Do geht mir doch der Brennstab hoch
Wos is des fia a milliardenloch

Leere Kassen wohi ma schaut
Hamma uns seiba de Zukunft vabaut

Kannst goa nimma ausse schaun
D´fenster san vabaut

Mogst goa nimma ausse schaun
D´Landschaft ist versaut

Mogst goa nimma hihörn
Is oisse so laut

Mogst goa nimma hischnufen
weil des stinkt doch do

do stinkt´s doch, irgendwos stinkt doch do
irgendwas stimmt da ned

„       stinkt doch do

„       stimmt do nimmer

s´wird oiwei schlimmer

a im hinterzimmer, bloß no gwimmer
geht´s no dümmer, i mog glei nimmer

es is doch imma dessell, i tritt auf da Stell,
kimm ned vom Fleck, i wiar ned schnell

kann no ned weida – und nimma zruck
manchmoi deng ama – i wiar varuckt

der spinnt doch, irgendwer spinnt doch do

irgendwas stimmt da ned

„       stinkt doch do

„       stimmt do nimmer

s´wird oiwei schlimmer

Und dann fragt ma se, wia kimmt ma bloß ausse,

wann geht da nächste Bus in Richtung Glück,

doch dann gspürst wias di eh scho wieda packt, he

denn wennst du gangst, kamast wirkli nimma zrück

denn des stinkt doch do

do stinkt´s doch, irgendwos stinkt doch do

irgendwas stimmt da ned

„       stinkt doch do

„       stimmt do nimmer

s´wird oiwei schlimmer

RED DU NUR

Du woaßt ned wos gestern war,

Du denkst a ned an Morgn

Du woaßt nix vom hoarten Kampf

Du host koane Sorgen

Und jetzt stehst du do und schwingst große Redn

Drischst hohle Phrasen und mechstas uns gebm

Prahlst vor de andern mit fremde Länder

Dabei kennt a jeder, du bist nur a Blender,

denn:

Er red nur, oba sogt nix – und heart ned zua

red nur, oba sogt nix – lernt ned dazu

„    „      „      „    „   ­­_ red in oana Tour

- los ma bloß mein Ruah

Da Orient brennt, se machan Widerstand
kämpfan für Demokratie und mehr Rechte im Land

Bravo schreit da Westn, zoagts es dene Affn
und dann lasst as daschiaßn, a mid deitsche Waffn

Gschäft is Gschäft, sogt Politik
bisd heid no mei Freind, wirst morgn scho vo mir gfickt

De Saudis ham Öl, sagt unsa Regierung
und unsane Panzer ham a bsondane Legierung

Ref.:

200 Panzer roilln ei in Bahrain
olle made in Germany, do kann da nix mehr fein

200 Panzer für de Saudis
sorgn dafür, dass de Gaudi ganz schnej aus is

200 Panzer beenden Rebellionen
und Kraus-Maffei kassiert de Millionen

Des oisse wird entschieden – und des is des Schlimmer
im Sicherheitsrat geheim im Hinterzimmer

A im Bundestag sogt koana, wia is des ois so worn
a d’Angie und da Guido bleibm liaba stumm dahoam

Top secret, oisse ganz geheim
bei sechane Voiksvatreter mechd i am liabsten speim

200 Panzer und koana derf wos wissen,
des zoagt doch wieda moi, mia wearma olle bschissen

200 Panzer….

Wennsd an LEO umdrahst, woaßt wos drin is: OEL!

Es geht doch imma nur ums Gejd, Moral spuit heidzutag koa Roilln
de frag is nur: Wia lang lossma uns des no gfoin?

Original:

V2:

Sie panschen Frostschutzmittel in den Wein,
sie mantschen rum an Huhn und Schwein,
Sie spritzn Kaibe mit Östrogen
und schreddern Schafshirn, des als Fuada gebn.

D`Sau san voi mit Antibiotika, Listerien san im Kas,
im Babyreis is Pestizid, der Keks schmeckt nach Acrylamid,
Radioaktiv strahlen Wild und Pilz, stark verbrannt riecht schon die Milz,
am Dönerspieß hängt Gammelfleisch und Würmer san in de FISCH

jeden Dog ganz frisch, frisch auf den Tisch
aus deutschen Landen frisch auf den Tisch
Unser täglich Gift, frisch auf den Tisch,
aus deutschen Landen frisch auf den Tisch
Guten Appetit!

Sie fressen nur, wos billig ist, und woin davo immer mehr
Se sogn se, Geiz is geil, und grod beim Essen geht wos her,
Bio ist eana z´deia, se nemmans Angebot danebn,
Hauptsach ebbse gspart, es geht ja nur um eana Lebn

BSE im Rindersteak, im Oa ist Dioxin,
jeden Tag a neia Skandal steht in da Zeitung drin,
wer passt da eigentlich auf uns auf, wer hat dafür an Sinn?
Garantiert ned unsa Ministerin, denn de kriagt goa nix hin

De mischt doch mid, schee frisch, frisch auf den Tisch….

10 Joar hamms gsuacht,
10 Joar hamms gfluacht
zehn Joar seit 9/11
10 joar, ned eight, ned seven

10 Joar san verganga,
zwoa Kriag hams ogfanga,
so wo samma osama Du Supermacht,
jetzt hamsn daschossen mitten in da Nacht

Obama killed Osama in Abottabad
A jeda schreit hurra, jetzt hams endli gschnappt
De CIA is kemma mit hubschrauber in da Nacht und mit oam schuss hams schluss mitm Terroristen gemacht

Mit oam schuss machans mit Osama bin laden schluss

Er hod ned weid vo da hauptsadt gwohnt,
doch goa nia neamd hod ebbs gwusst.
De Leich hams gleich verschwindn lassen, schneller als ma denkt,
und ohne vui Brimborium tiaf im Meer vasenkt

Da Osama is jetz a Märtyrer, muaß koane Pornos mehr schaun,
denn dreand im Paradies warten 72 Jungfraun.
Doch seine Freind vo da Al kaida, sprengan aus Rache munter weida

Obama killed Osama in Abottabad
Nach dem, wos der ois ogricht hod, sogt koana des is schad
De Amis machan kurzen prozess, doch Al kaida macht wieder Stress.

Is des oisse so wias ausschaut oda macht ma uns nur wos vor?
Stimmt des wos in da Zeitung steht oda is des goa ned woar.
Kannt doch leicht sei, dass des wos im Fernseher kimmt oft goar ne stimmt, kannt doch leicht sei.
Kannt doch leicht sei, dass de Politiker uns einfach nur wos vorliagn
Kannt doch leicht sei, dass de Wahrheit oft ganz anders ausschaut
Kannt doch leicht sei, dass uns einfach nur kloa hoidn mechdn
Weil ma sunst aufmucka dadn , vielleicht aufmucka dadn und song wos uns ned passd

Kannt doch leicht sei, dass boid irgendwas passiert
Dass se doch no amoi wos ändert
Dass der letzte Depp a no kapiert
Das da nachbar vo dreant a no mitmarschiert
Es wird se vielleicht doch nomoi irgendwos ändern, wird se vielleicht irgendwos doa
Kannt doch leicht sei, das se ned alloa bin

Tunesien,Algerien, Bahrain, Jordanien,
Jemen, Syrien, Ägypten, Libyen
Ja wer hed se denn so ebbs denkt,
dass eines Tags da Orient brennt

Flächenbrand im Morgenland
d´Araber gengan Hand in Hand,
da Urlauber liegt braun am Strand
und hinta eam brennt´s ganze Land

De schrein nach Freiheit, jeda hörts
de woin wos vo dem eana goa nix ghört,
Freinderlwirtschaft, Folter, na vielen Dank
da Diktator hod Milliarden auf da Schweiza Bank

De Kohle soida erstmoi wieda aussa gebm,
damit sei Volk a wos hod zum Lebn
De Oidn tan imma scho abkassieren,
drum gibt’s für de Junga nix zum verlieren,

se gengan nimma hoam, bevor Despoten ned gengan
und jetz hauns ab,
Gadaffi, Ben Ali, Mubarak,
mit Sack und Pack, zack-zack
mit Facebook, look-look,
hamses ausse druckt
mit mehr Herz als Verstand

Flächenbrand im Morgenland
wias weida geht,is no unbekannt
schiaßt´s Militär de Leid etz zamm?
Fangt Demokratie jetz an oder kimmt da Taliban?

An Veränderung glaubn scho vui nimmer,
de haun ab in Booten und sterbn im Meer
de andan sitzn wia de Looser
fest auf da Insel Lampedusa

Revolution am Platz Tahrir
vielleicht stengans scho morgn vor unsera Dir
Flächenbrand im Morgenland
die Zukunft is no unbekannt….

D-D-Du – kriagst Kurven nimma
Du – Fliagst ausse in Grabn
Du – gibst einfach zvui Gas
Du – wuist einfach zvui Spass

Du-du-du-du-du-du woast ned, wo deine grenzen san
Du-du-du-du-du-du redst nur mit de, de auf deina Seitn san

D-D-Du – bist so schee und so guat
Du – fahrst in deim Auto mit Huat
Du – dengst nur an disejba
Augn zua und durch, es is no nix hi

Du-du-du-du-du-du kennst koa Verantwortung
Du-du-du-du-du-du scheißt de um koan

Doch dafiar host du a koane freind
Und bist alloa dahoam und es ist koana do
Koana segt de woana mo, koana,denn du bist alloa do, koana do

Du-du-du-du-du-du……..

No a paar joar, no a paar joar mehr
A brückentechnologie muaß her
Akws san ja scho do und de san sicher – todsicher
Vier konzerne gwinnan, Millionen von Menschen verliern
Werd scho nix passiern, kamma scho riskiern, a wenn tausende protestiern

Dabei wissen´s immer no ned, wohi mit dem dreck
Wissen no ned wo man am bessan vasteckt
Wissen ned wer no ois vareggd
i mechad ned wissen, wer do dahintersteckt
Und mia miaßmas zoin, wenns de Fassl ausm Soizstock außahoin

Um fünfe in da Fria aufgstandn, 20 Kilo Gepäck am Bugl

schleppts de hi zum Fliaga, es geht hoam schon wieda

Scheene Dog host ghabt, scheene Sachan gmacht,

doch nach da Landung wart auf di, Deitsche Bahn – Idiotie

Fünf Minuten vor da Abfahrt sogns da, dass die Zug Vaspätung hod

du kriagst koan Shuttle mehr zum Hauptbahnhof

dei Zug fahrt ab ohne di, du bist fotzngranti

hetzt d´Roitreppn aufi, bist ganz schee hanti,

buchst an andan Zug, fahrst zum Bahnhof in d´Stod

doch do stehst schon wieda da wie da größte Idiot

Denn der Zug wart am Flughafen, es is allerhöchste Zeit,

Du fragst de Frau am Schoita, doch de sogt, es tuat ihr leid

denn du host koa Numma, muaßt erst a Numma ziagn,

denn ohne Numma werst Du koa Auskunft kriagn

de ist so fett, mit der mechd i koa Numma schiabn

Du host a frag, doch sie mechd a numma segn

sie regt de auf und drum losst as einfach stehn

und schreist: Fuck you, deitsche Bahn-AG!

Mit so an Service, kannst echt zum scheißn geh

koana kennt se aus, i kann des ned vastehn

leck me am Oasch, mi werst ned wieda sehn

I fahr nur mehr Auto-Bahn

do bin i seiba am Steia, do geht wos voran

do sog i seiba, wohi dass geht und wann

do bin i ned abhängig von Inkompetenz,

sondern fahr ganz gmiatlich im Mercedes Benz

Fuck you…..

doch zum Glück, kimmt dann doch no am Mensch

a Schaffner mit Herz, der macht koan Terz

und der tuat se a auskenna und so bist zum Schluss doch wieda

hoam kemma…